Ирак распореди сили на границата со Турција

Ирачките власти почнаа со испраќање сили на границата со Турција и со изградба на нови пунктови во областа Амадија, во северниот дел од земјата. Според командата на ирачките гранични сили, Првата гранична бригада успеала да напредува кон граничната нулта точка каде што е подигнато ирачкото знаме. Новите воени станици ќе бидат опремени со модерни технологии за ефикасно да ги контролираат границите и да се спротивстават на непријателите на земјата.
Ова ново распоредување дојде откако Турција ги интензивираше своите воени операции и гранатирањето на позициите на Курдската работничка партија позната како ПКК во северен Ирак. Таа се смета за терористичка организација од западните сојузници на Турција, вклучително и САД.
Десетици илјади луѓе загинаа од почетокот на конфликтот во 1984 година.