Премиерот Димитар Ковачевски вечерва во гостувањето на ТВ24 се осврна на преговорите со Бугарија и откри дека во тие преговори, од кои зависеше отпочнувањето на пристапните преговори со ЕУ, чувството било „како некој со нож да ве сече во стомак“, но и дека донел одлука за идните генерации
„Учествував во преговорите со Бугарија за да почнеме преговори за членство во ЕУ. Чувството кое јас го имам и граѓаните кога се водеа преговорите, е како некој со нож да ве сече во стомак. На крајот мора да донесете одлука која ќе се однесува на идните генерации. Помеѓу мене и лидерите на опоизицијата, разликата е во тоа што тие сакаат преку изјави за минатото, граѓаните да ги направат горди на мала маса. Сакам нашите граѓани со дигната глава и заштитен идентитет да седиме на европската маса и тоа успеавме да го направиме“, рече Ковачевски.