За двајцата премиери од клучна важност е соработката во енергетскиот сектор за кој се согласиле дека има голем потенција.
За зајакнување и проширување на соработката во секое поле од заемен интерес, а посебно на економски план се подготвени Северна Македонија и Грција, сметаат премиерите на двете држави, Димитар Ковачевски и Киријакос Мицотакис.
На нивната денешна средба во Вилнус, Литванија, на вториот ден од Самитот на НАТО, Ковачевски и Мицотакис изразиле задоволство од трендот на зголемување на трговската размена меѓу Северна Македонија и Грција.
За двајцата премиери од клучна важност е соработката во енергетскиот сектор, за која, како што информираат од владината прес-служба, се согласиле дека има голем потенцијал ако се земат предвид заедничките проекти за изградба на терминалот за течен нафтен гас во Александруполи, како и гасното поврзување помеѓу двете земји. Освен за темите од заеднички интерес, двајцата премиери разговарале и за актуелните регионални теми.
Премиерот Ковачевски изразил уверување дека соработката помеѓу двете влади ќе продолжи со зголемен интензитет, а исто така се заблагодарил и за грчката поддршка на процесот на интегрирање на Северна Македонија во Европската Унија.
