Од објект во сопственост на Агенцијата за национална безбедност крадци исекле и однеле кабли заради бакарот во нив, како и бакарни делови за пренос на струјата, поради што Агенцијата за храна и ветеринарство два дена имаше проблеми со струјата. Агенцијата за храна сега размислува да воведе 24 -часовно обезбедување.
Сител телевизија објави прилог во кој се вели дека кражба на кабли од трафостаница биле причина за проблеми со струјата во две државни институции. Два дена Агенцијата за храна и ветеринарство не функционирала целосно бидејќи од запуштениот објект до нив кој е во сопственост на Агенцијата за национална безбедност во средата оперирале крадци. кои ги украле бакарните делови за напојување со електрична енергија.
Спроти Агенцијата за храна е и Агенцијата за финансиска подрршка во земјоделието, но тие сепак имале варијанта за напојувањето со струја и системите работеле.
Нефункционалната зграда на Агенцијата за национална безбедност е обрасната со трева, има искршени прозорци и врати, навечер нема осветлување и обезбедување и има лесен пристап за крадци.
