Измените на Деловникот за работа на Собранието на Република Македонија се на барање на ВМРО-ДПМНЕ, смета пратеникот на Левица, Борислав Крмов, кој на денешната пленарна седница за измени на Деловникот предизвика вистински хаос во салата, со цел спречување на овие измени.
– Според мене ова што се случи во Собранието е на барање на ВМРО-ДПМНЕ, СДСМ е слаба на анкетите и не е сигурна дека ќе биде власт, не се ни ДУИ сигурни дека ќе бидат власт.
Рекоа ова е европски процес, со европски манири, ќе одат во декември во Париз, ќе удираат чашки со шампањ и ќе тврдат дека консензуално го донеле Деловникот.
Мислам дека ДУИ сакаше Деловникот да остане како што беше, но мислам дека беа притиснати од ВМРО-ДПМНЕ.
Според мене ова е еден вид мираз за можниот брак меѓу ВМРО-ДПМНЕ и ДУИ после избори, вели Крмов кој додава дека пратениците на Левица се подготвени да одат и во затвор, доколку тоа е цената за промена на овој систем.
Според Милош Милошевски ова е најава за широка коалиција меѓу СДСМ и ВМРО-ДПМНЕ.
– Мислам дека ова е најава за широка коалиција, власт после избори би биле и СДСМ и ВМРО-ДПМНЕ, опозиција ќе биде само Левица, вели Милошевски.
ИЗВОР: https://infomax.mk/%d0%b2%d0%b8%d0%b4%d0%b5%d0%be-%d0%ba%d1%80%d0%bc%d0%be%d0%b2-%d1%9c%d0%b5-%d0%be%d0%b4%d0%b8%d0%bc%d0%b5-%d0%b8-%d0%b2%d0%be-%d0%b7%d0%b0%d1%82%d0%b2%d0%be%d1%80-%d0%b0%d0%ba%d0%be-%d1%82%d0%be/?fbclid=IwAR1t3lZF_a8q3ve5MosSD2lIcMSOOQk33oMy36t5bEdP9zFSiGucxCo87ak