Многу луѓе го започнуваат денот со шолја кафе и сметаат дека е невозможно да ја сменат оваа рутина. Сепак, експертите советуваат никогаш да не го пиете кога е многу топло, туку да почекате малку да се излади. Според една нова студија, консумирањето кафе може да го зголеми ризикот од рак, но само ако е многу топло.
Научниците мислат дека ова се случува затоа што топлите течности ги оштетуваат ткивата во хранопроводникот. Ова значи, теоретски, дека и оние кои пијат чај би можеле да бидат изложени на ризик.
Затоа, експертите советуваат да почекате кафето или чајот да се изладат пред да ги испиете. Кафето е еден од најконзумираните пијалоци и имало различни студии за неговото влијание врз здравјето. Сепак, некои сугерираат дека ги намалува шансите за добивање рак, додека други го откриле спротивното.
Експертите од Универзитетот во Кембриџ ги споредија гените на 360.000 луѓе во Британија и Финска и го поврзаа тоа со ризикот од развој на одредени видови на рак. Тие откриле дека луѓето кои имаат генетски поголеми шанси да пијат кафе имаат речиси три пати поголеми шанси да развијат рак на хранопроводникот.
Таква поврзаност не е пронајдена за кој било друг вид на рак. „Добрата вест е дека консумацијата на кафе не ги зголемува шансите за добивање на повеќето видови рак“, рече д-р Стив Бургес.