Доделувањето на „Златната топка“ повторно ја собра фудбалската елита на едно место, а меѓу присутните имаше голем број актуелни, но и поранешни големи ѕвезди на светската фудбалска сцена.
За домаќините ова беше посебно важно издание бидејќи првпат по 1998 година признанието му припадна на Французин, а еуфоријата беше поголема со оглед на фактот што однапред беше јасно дека наградата ќе ја добие Карим Бензема.
Фудбалските фанови преку ваквите манифестации можат да испратат и посебна порака до големите ѕвезди, а тоа се случи и вечерва во Париз, каде Килијан Мбапе и Зинедин Зидан беа пречекани на сосема различен начин.
Мбапе кој во последно време постојано е во медиумите поради препирки со ПСЖ и француската федерација, па дури и размислувал да ја бојкотира свеченоста поради слабиот пласман, беше исвиркан од фановите пред местото на одржување на свеченоста.
.@KMbappe has arrived at the Theater of Chatelet with his dad 👀#ballondor pic.twitter.com/L0WwpOGGvn
— Ballon d'Or #ballondor (@francefootball) October 17, 2022
Од друга страна, Зизу доби величествен пречек, со аплаузи, овации и скандирања, а истото се случи и кога излезе на сцената за да го прогласи победникот.
Zinedine Zidane arrives at the Ballon D’Or: “I just hope that the person who deserves it the most wins it.” pic.twitter.com/OCjAuizE9L
— Get French Football News (@GFFN) October 17, 2022
