Не ги менуваме ние ставовите преку ноќ. Јас сум кажал дека нашата позиција е принципиелна. Да сме учествувале во тие преговори, да сме ветувале пред граѓаните дека тоа ќе го направиме, јас сега ќе немам аргументи, рече лидерот на ВМРО-ДПМНЕ, Христијан Мицкоски за евентуалните уставни измени и внесување на бугарското малцинство.
Тој е дециден дека ВМРО-ДПМНЕ нема да поддржи промена на Уставот и „воопшто не размислувале за тоа“.
-Доколку бидат елиминирани некои атрибути, тогаш можеме да седнеме да разговараме. Доколку имаме гаранции за идентитет и македонски јазик и предвидливост на процесот, но тоа може да го напраиме во некои од следните парламентарни состави, кога ќе излеземе во кампања и ќе кажеме. Без овие услови ние немаме намера да поддржиме, кажа Мицкоски.
Според него, анкетите покажуваат дека „под бугарски диктакт нема промена на Уставот“.
