Лидерот на ВМРО-ДПМНЕ, Христијан Мицкоски уште еднаш најави дека пратениците од неговата партија ќе гласаат против уставните измени, во пресрет на утрешното влегување на амандманите за промена на Уставот во собраниска комисија.
Утре започнува процедурата. На 16-ти јули 2022 не бевме во Парламентот, затоа што не бевме. Сега утре ќе бидиме и ќе гласаме против, па прашуваат зошто сме сега во Парламентот и зошто ќе гласаме против. Утре ќе бидеме таму присутни и пратениците ќе гласаат против. Така ќе биде и на самата седница. Се влоши позицијата на сите граѓани – за да отпочнат едни уставни измени, нема потреба во првиот чекор да ја имаме содржината. Очигледно сакаат овие луѓе да им слугуваат на Радев и Бугарија, рече Мицкоски денеска одговарајќи на новинарско прашање.
Додаде дека владеачката коалиција направи историска грешка за иднина за земјата.
Сега ќе направат уште една историска грешка. Ги предупредувам да не ја прават третата грешка по ред. Отпочнаа процедура која не можат да ја завршат. И посакувам среќа и успех на Албанија и ако овие бирократи тоа го дозволат, ќе направат уште една историска грешка кон овој горд и достоинствен народ, кажа Мицкоски за евентуалното раздвојување на Македонија од Албанија на патот кон ЕУ доколку не ги изгласаме уставните измени.
