Млади скопски разбојници „оперирале“ во Охрид

СВР Охрид поднесе кривична пријава против Е.Д. (23) и Џ.И. (22), двајцата од Скопје, поради постоење основи на сомнение за сторени кривични дела „кражба“ и „разбојништво“. Според полицијата, тие кражбата ја извршиле на 1 ноември на улицата „Абас Емин“ во Охрид, кога од повозрасен жител на Охрид одзеле паричник во кој имало 18.000 денари.

Следниот ден, на улицата „Кирил и Методиј“ во градот, пријавените физички нападнале повозрасна жена од Охрид и ѝ одзеле чанта со 9.500 денари, личен предмет и документи, соопшти МВР.