Младо момче загина во несреќа која се случи во Козле

Младо момче загина во тешка сообраќајна несреќа која се случи вечерва на улица „Козле“ во истоимената населба. Првичните информации се дека се судриле три возила, меѓу кои е и моторциклот кој бил управуван од загинатиот.

Брза помош веднаш интервенирала, но не успеале да го спасат момчето, чиј идентитет и точна возраст не е позната. Останатите возила кои учествувале во несреќата се марка „Мини Купер“ и „Цитроен“. На двете, има видни оштетувања.

Улицата е затворена за сообраќај и трае увид. Се утврдуваат причините за несреќата.