Молк и тага во Вевчани, смртта на младото момче го засени карневалот

Тажен ден за Вевчани по трагичната смрт на младиот Милан Мукоски, кој загина ноќеска во сообраќајна несреќа. Имаше само 19 години, беше жител на оваа општина и син на експратеникот Крсто Мукоски.

Општината го откажа забавниот дел од овогодинешната манифестација, некои ресторани не работат а тие што работат не пуштаат музика. Традиционалната прослава вевчанци ја започнаа со едноминутен молк за загинатото момче, дефилирајќи во помал број, за сепак да се задржи традицијата.