Момче пронајдено мртво во зграда во Буњаковец

Тело на починат млад човек на возраст од 20 до 25 години, е пронајдено во зграда во скопската населба Буњаковец, соопшти полицијата.

„На 26.08.2022 во 23.55 часот било пријавено дека во зграда на улицата „Дане Крапчев” во Скопје било пронајдено починато машко лице на возраст од околу 20-25 години. Од страна на лекар од Итна медицинска помош констатирана била смрт“, се вели во соопштението.

Полицајци излегле на местото на настанот, а по наредба на Јавен обвинител телото на починатиот е дадено на обдукција. Се превземаат мерки за расчистување на случајот.