Властите во Костарика известија дека денеска пронашле остатоци од авион и веруваат дека станува збор за остатоци од авионот со петмина германски патници кој изгубил контакт со контролата на летање во областа на брегот на Карибите.
Остатоците се лоцирани рано утринава на околу 28 километри од аеродромот Лимон, изјави заменик министерот за безбедност на Костарика. Властите се уште не ги пронашле телата или преживеаните.
Синоќа костариканските власти добиле извештај за исчезнатиот авион, изнајмен за приватен лет, кој полетал од Мексико кон аеродромот Лимон во Костарика, изјави претходно министерот за безбедност Хорхе Торес.
Тој објасни дека леталото ја изгубило комуникацијата со контролната кула недалеку од Бара де Паризмина, на неколку минути лет од Лимон.