Поранешниот американски претседател Доналд Трамп му даде на судот во Њујорк гаранција од 175 милиони долари, откако му беше одложена наплатата повеќе од 454 милиони долари што ги должи по пресудата за граѓанска измама.
Оваа обврзница го спречува запленувањето на имотот на Трамп додека тој се жали на пресудата
Доколку неговата жалба против пресудата биде одбиена, Трамп ќе мора да ја плати целата сума од 454 милиони долари, плус камата.
Ако жалбата на Трамп биде прифатена и обвиненијата бидат отфрлени, тој нема да мора ништо да и плати на државата и обврзницата што ја дал ќе му биде вратена.
На 25 март, судот се согласи да го одложи плаќањето на 454 милиони долари на Трамп доколку тој плати 175 милиони долари во рок од 10 дена.
Истиот суд ќе ги сослуша аргументите на Трамп во септември, неколку недели пред претседателските избори на 5 ноември.
Судот претходно пресуди дека Трамп и неговата компанија незаконски ја преувеличувале вредноста на своето богатство и манипулирале со вредноста на имотот за да добијат поволни заеми од банките и поволни услови од осигурителните компании.фокус
