Венецуелката Кораима Торес наполни 49 години и со своите следбеници на Инстаграм секој ден споделува делови од својот приватен живот
Не постои човек кој во 1997 година не беше закован за малите екрани секој работен ден во 8 часот навечер. Касандра жареше и палеше во Македонија, а актерката што ја отелотвори стана хероина во нашата земја, симбол на страдањето, љубовта и победата над суровата судбина.
Денес, 25 години подоцна, Венецуелката Кораима Торес сѐ уште воодушевува, а ние ви откриваме како ѝ успева тоа.
Имено, оваа 49-годишна дама можеби не беше често присутна на македонските мали екрани по својата легендарна улога, но тоа не значи дека не била активна на професионален план. Таа продолжила да снима серии со полна пареа, но му се посветила и на семејниот живот. Станала мајка во 1994 година, па со сопругот Николас Монтера има син Ману. Двојката се венчала во 1996 година и живее во Богота.
