Баба Ванѓа, односно Вангелија Пандева Гуштерова, слепа јасновидка која многумина сè уште ја нарекуваат балкански Нострадамус, наводно ги предвидела терористичките напади на 11 септември и војната во Украина.
За тековната година таа наводно најавила експлозија на нуклеарна централа и драматична промена на орбитата на Земјата. За среќа, што се однесува до тоа, имаме уште малку па мирни сме…
Њујорк Тајмс ги подготви нејзините најважни пророштва за 2024 година. Додуша, треба да се биде многу внимателен бидејќи Ванѓа главно не запишувала ништо, речиси сите нејзини предвидувања од 2000 година наваму не се недвосмислено потврдени и можно е тие да се производ на измислици од интернет тролови.
Претходно беше напишано дека таа предвидела инвазија на вонземјани за 2022 година, но, барем колку што знаеме официјално, ниту тоа не се случи.
Наводните пророштва на Ванѓа за 2024 година
1.Владимир Путин ќе биде убиен од еден негов соработник.
2.Европа ќе биде погодена од бран терористички напади. Неименувана „голема земја“ ќе тестира биолошко оружје или ќе изврши напад.
3.Таа најавува куп елементарни непогоди, но и дека ќе има зголемување на радијацијата.
4.Таа ја виде и економската криза поради трансферот на власта од Запад на Исток.
5.Предвидува сајбер напади и технолошка револуција. Хакерите ќе ја напаѓаат инфраструктурата, што ќе ги зголеми заканите за националната безбедност.
6.Таа најави и зголемување на употребата на вештачка интелигенција.
7.Во медицинската област ќе се најдат лекови за Алцхајмерова болест и ракот.
Њујорк Тајмс понатаму потсети дека Ванѓа наводно предвидела дека меѓу 2025 и 2028 година проблемот со гладот ќе биде решен, дека комунизмот ќе се врати во 2076 година и дека луѓето ќе можат да патуваат низ времето од 2304 година.
Нејзините предвидувања завршуваат во 5079 година, па некои тоа го поврзуваат со апокалипсата.
