Тетовско-гостиварска епархија информира дека добиле решение од Општина Тетово за отстранување на поставениот крст на црковниот имот на Попова Шапка. Најавија дека ќе биде поднесена жалба.
„МПЦ ОА Тетовско-гостиварска епархија, своите права во насока на разрешување на даденото прашање ќе ги штити преку достапните правни механизми. Апелираме до граѓаните да не подлегнуваат на зачестените провокации и да бидат посветени на мирот и добрите меѓурелигиски односи“, велат од Тетовско-гостиварската епархија.
Од општината објавија дека е донесена одлука за уривање на крстот и дека во Тетово има повеќе од 5.000 решенија за уривање.
Крстот на Попова Шапка беше поставен на 16 ноември на земјиште сопственост на МПЦ-ОА и храмот Свети Наум Охридски Чудотворец. На 18 ноември градоначалникот Касами изјави дека согласно нов урбанистички план може да се легализираат верските објекти.
Извор. https://opserver.mk/makedonija/opshtina-tetovo-najavuva-rushenje-na-krstot-na-popova-shapka/
