Тврдењето дека Алексеј Навални, главниот ривал на Владимир Путин во Русија, бил отруен со хемикалијата Новичок денеска дополнително се засили откако неговата сопруга објави видео на социјалните мрежи, во кое вели:
Здраво, јас сум Јулија Навалнаја. Некој друг требаше да биде на мое место, но тој беше убиен од Владимир Путин. Некаде во затвор во Арктичкиот круг, Путин не само што го уби Алексеј Навални како личност, туку сакаше да ја убие нашата надеж, нашата слобода, нашата иднина.
Таа ја обвини Русија дека го крие телото на нејзиниот сопруг бидејќи, според неа, она што Москва го очекува е да исчезнат трагите од новичок од неговото тело.
Во видеото, вдовицата на Навални вети дека јавно ќе ги објави имињата на луѓето кои учествувале во смртта на нејзиниот сопруг и причината зошто тој издиша во „затворот на волците“.
„Сакам да живеам во слободна Русија, сакам да создадам слободна Русија, ќе ја продолжам работата на Алексеј Навални“, додаде Јулија Навалнаја.
„Не се плашам, ниту вие. Ве повикувам да останете покрај мене, да не ја споделуваме само тагата и болката што не прегрна. Ве повикувам да го споделите бесот и омразата кон оние кои се осмелија да ја убијат нашата иднина. Ви зборувам со зборовите на Алексеј, во кои навистина верувам. Нема срам да правите малку или ништо, да дозволите да ве плашат. Она што ни треба е слободна, мирна и среќна Русија. Прекрасната Русија на иднината за која сонуваше мојот сопруг. Ова е она што ни треба“, рече сопругата на Навални.
Изјавите на вдовицата на Навални уследија по најавата на претставникот на Алексеј Навални дека неговата мајка и нејзиниот адвокат биле спречени да го видат телото на 48-годишниот руски политичар во понеделник наутро во мртовечницата каде што се вели дека е однесено.
