Јавното сообраќајно претпријатие Скопје не дава никакво објаснување за нередовниот превоз за населбата Горно Нерези во општина Карпош и покрај прашањата упатени до оваа институција. Автобусот со број 28 го користат и ученици од основно и средно образование кои поради ова, често пропуштаат часови, особено средношколците.
Додека ЈСП Скопје не реагира, шоферите признаваат дека се соочуваат со многу потешкотии на оваа линија. За ова дури ги известиле и одговорните.
„Дали ги пријавивте овие проблеми кај одговорните? Да, тие знаат се, нема возила, возилата се стари, не се одржуваат, нема делови, родителите се во право, јас стојам зад нив, сите сакаат да одат на работа и на училиште“, рече еден возач на автобус.
Родителите се загрижени за своите деца. Доколку ова прашање продолжи, родителите рекоа дека ќе излезат на протест.
„Откако децата тргнаа на училиште, нема редовен автобус.
Како се снаоѓаат тие денови кога автобусот не доаѓа?
Или одат пешки или ги праќа некој што има кола.
Само да одиме во Ѓорче, каде што ја имаат гаражата, да ја блокираме вратата, да не ги пуштаме, да протестираме“, рече еден жител.
Со овој проблем се соочија и минатата година жителите на Горно Нерези. Многу од учениците дури беа принудени да ја пропуштат наставата./Alsat.mk
