Електрани на Северна Македонина го разреши првиот човек на подружницата која е задолжена за купување на увозна електрична енергија за потребите на државното електростопанство и ги продава нејзините вишоци на струја. Мирсад Црновршанин за директор на подружницата ЕСМ продажба беше именуван на 1 септември со мандат од една година. Тој е инаку од прилепско Лажани, сопственик на локален маркет.
За нов директор е назначен Златко Пиперковски, поранешен директор на РЕК Осломеј, разрешен од таа функција пред една година. Досега како директори на ЕСМ продажба се сменети четворица директори – на оваа позиција беа и Александар Обрадовиќ, поранешниот советник на поранешниот премиер Зоран Заев, Синиша Ивановски, поранешниот директор на ЕЛЕМ трејд.
Во последниот период ВМРО-ДПМНЕ речиси секојдневно ја критикуваше работата на ЕСМ продажба за, според нив, манипулативната продажба на ноќни вишоци на електрична енергија на привилигирани трговци по цени кои се пониски од берзанските.