Американскиот актер и комичар Ричард Луис почина на 76-годишна возраст. Тој беше познат по улогата во хумористичната серија „Зауздајте го вашиот ентузијазам“.
Неговиот публицист Џеф Абрахам рече дека актерот починал во вторникот од срцев удар. Во април минатата година, актерот откри дека му била дијагностицирана Паркинсонова болест.
Ричард се прослави во 80-тите. Својата кариера ја започна настапувајќи во разни клубови и настапувајќи во телевизиски емисии. Доби улога во серијата „Зауздајте го вашиот ентузијазам“ во 2000 година. Тој глумеше во серијата до нејзината 12-та сезона. Актерот мораше да паузира за време на снимањето на 11-та сезона поради операциите.
„Ми беше тешко“, изјави минатата година откако јавно ја откри дијагнозата.
Тој изјави и дека имал операција на грбот, рамената и дека имал операции за замена на рамото и колкот.
„Имав четири операции. Беше лоша среќа, но тоа е животот“, изјави тогаш актерот.
Покрај хит серијата, Луис се појави и во комедијата „Робин Худ“ и во серијата „Сè освен љубов“.