Млад човек, кој правел скриена камера за својот канал на Јутјуб, бил застрелан од лице кое не можело да ја поднесе шегата.
Видеото покажува како 21-годишниот Танер Кук го нервира Алан Коли, свирејќи навредлива фраза на мобилниот телефон покрај неговото лице. Лицето на кое му се шегувале 3 пати му кажува на младичот да го остави на мира, но тој продолжува со своето.
Во овој момент, Алан Коли вади пиштол од џебот и го застрелува Јутјуберот во градите.
Коли бил уапсен, но бидејќи го имал пиштолот на дозвола, обвинението за тешки телесни повреди било отфрлено откако рекол дека пукал во самоодбрана. Тој беше прогласен за виновен само за пукање од пиштол во зграда во која имало луѓе. За ова ризикува 10 години затвор.
Од друга страна, 21-годишниот Кук помина неколку дена на интензивна нега, но сега се опоравува.
