Професорот на средното медицинско училиште во Ропотово кај Косовска Каменица Ивица Јовановиќ (54) е пронајден мртов денеска нешто по 16 часот, потврди за Косово онлајн претседателката на Привремената управа на општина Косовска Каменица, Тања Акшиќ.
Јовановиќ исчезнал вчера, кога околу 15 часот отишол на фризер. Бидејќи не се вратил дома, семејството почнало да го бара, а телефонот последен пат му бил достапен околу 23 часот. Неговиот автомобил денеска најпрво е пронајден во соседното село. Набргу потоа било пронајдено неговото безживотно тело.
– Само што ме информираа дека е пронајдено безживотното тело на Ивица Јовановиќ, кој исчезна вчера околу 15 часот. Денеска по 24 часа во потрагата се вклучи и косовската полиција, а неговото тело е пронајдено на 300 метри од местото каде што е пронајден неговиот автомобил, изјави Акшиќ и додаде дека не знае повеќе детали.
На местото каде што е пронајдено безживотното тело на Јовановиќ во моментов има возила за итна помош, а се очекува и пристигнување на полицијата.
Според членовите на неговото семејство, Јовановиќ отишол на фризер и подоцна не одговарал на телефонските повици. Неговото исчезнување истиот ден било пријавено во косовската полиција, но им било кажано дека ќе бидат потребни 24 часа за да се вклучи полицијата во потрагата, што денеска го направиле еден час пред да биде пронајдено безживотното тело.
Ивица Јовановиќ е роден 1969 година и бил почитуван граѓанин на Косовска Каменица и долгогодишен професор во средното медицинско училиште во Ропотово. Повеќе детали за неговата смрт ќе бидат познати по истрагата која е во тек..
ИЗВОР. https://newz24live.com/profesorot-ivitsa-pronajden-mrtov-popladnevo/
