Речиси секој трет жител на Албанија планира да емигрира, што претставува највисока стапка на емиграција во регионот.
Истражувањата спроведени меѓу 6.000 луѓе во шест земји од Западен Балкан покажуваат дека во Албанија, која веќе има историја на силна емиграција, продолжува големата желба за напуштање на земјата, особено кај образованите млади луѓе.
Од албанските граѓани што се подготвени да заминат, 18% веќе имаат конкретни планови за емиграција, а речиси 44% сакаат да заминат трајно, што е највисок процент во регионот.
Оние што се во активната работна сила (од 18 до 44 години) се повеќе склони кон емиграција во споредба со старите од 45 до 65 и повеќе години. Оваа тенденција се смета за сериозен проблем и предизвикува голем недостиг на работна сила во Албанија.
Извор: https://4news.mk/sekoj-tret-albanets-planira-da-se-iseli/?fbclid=IwAR11WJaa_uIBJzbAFnmW-FRA0Momi6O6KPVr75BDW92FJjMASuwV7AEB4Fs
