Пред куќата на Урош Б., осомничен за убиство на 8 лица и ранети 14 во две села – Орашје и Дубона кај Младеновац, во моментов е присутна полиција и се води истрага.
„Во дворот од куќата седат луѓе, а внатре се врши истрага. Куќата е на три ката, на улиците нема никој, а соседите ги нема ни во дворовите“, пишува Блиц.
Инаку, соседите, како што објави Блиц, немале убави зборови за семејството на Урош Б.
„Луѓето се дното на дното! Целото семејство – мајка, татко, брат, снаа и дедото што живее со нив, постојано беа малтретирани. Човекот има над 80 години, оди од куќата до овоштарникот за да избега од нив. Се срамам што се од ова село. Пред неколку години сосед ги пријавил дека пукале, им го одзеле оружјето и по три дена им го вратиле. Тие продолжија да пукаат. Убија кучиња. Урош возел арогантно низ селото“ вели сосед на семејството.
Според зборовите на соседите, Урош не се дружел со никој во соседството.
„Постојано го возеше тракторот со слушалки во ушите. Не се дружеа со никој во соседството. Слушнав вечерва околу 22, 23 часот, автомобил, на возачот му пукнала гума. Подоцна заспав, а соседот ми се јави околу два часот по полноќ да ја заклучам куќата“, рече соседот на Урош.
Урош ја започна својата крвава кампања во Орашје кога излегол од автомобилот и испукал рафал кон група луѓе кои седеле околу логорски оган на пикник. Потоа продолжил со крвавиот марш, излегол од автомобилот и застрелал четири лица кои ја поправале капијата од дворот.
Потоа се вратил во автомобилот и се упатил кон центарот на населбата Дубона и повторно пукал, каде убил две лица, еден полицаец кој не бил на должност и неговата сестра.
Убиецот потоа побегнал, а по него трагале повеќе од 600 припадници на српското Министерство за внатрешни работи.
Масовниот убиец е уапсен во Крагуевац по осумчасовна потрага
