Спасовски со „честитка“ до вработените во МВР: Од следниот месец ќе добијат 10% поголема плата и К15 од 10 000 денари

Од први октомври вработените во МВР ќе имаат зголемување на платите за 10 проценти, но и дополнителен регрес за годишен одмор од 10 000 денари за секој полициски службеник.

Ова го порача министерот за внатрешни работи, Оливер Спасовски на отворањето на синдикалните игри на МПС.

– Секогаш кога верувате во една иста цел, мора да дојдете до решение. Тоа решение мора да биде во интерес на членовите на Македонскиот полициски синдикат, но и на сите вработени во МВР, порача Спасовски.