Совет за безбедност свикува претседател на држава доколку има загрозеност на безбедносната состојба на државата. Премиерот свикува Совет за координација на безбедносните служби, на кој се дискутираше за сите овие дојави за бомби. Формиравме тело кое што го сочинуваат најголемите експерти од надлежните институции, информираше синоќа претседателот на Владата, Димитар Ковачевски за справувањето со лажните закани за бомби.
Тој истакна дека на состанокот на Советот за координација на безбедносните служби одржан пред десетина дена, присуствувале министрите за внатрешни работи, за одбрана, за надворешни работи и директорите на трите разузнавачки служби – Агенцијата за национална безбедност (АНБ), Агенцијата за разузнавање (АР) и Военото разузнавање.
-Со телото ќе координира Бирото за јавна безбедност, односно Министерството за надворешни работи во делот на обезбедување на сајбер безбедност и заштита од хибридни закани и дополнително дијагностика на системот во делот на неговата отпорност кој што ќе биде направен на врвно професионално ниво, кажа премиерот во интервју за МТВ.
