Тепачка на Хируршкото одделение во тетовската Клиничка болница, уапсен 33-годишен маж

Полициски службеници на СВР Тетово вчера околу 18 часот и 10 минути го лишиле од слобода 33-годишниот А.К. од тетовски Копачиндол.

– Непосредно пред тоа тој бил пријавен од 68-годишниот Ш.Ќ. од тетовска Голема Речица, дека на Хируршкото одделение во тетовската Клиничка болница, каде што бил вработен, физички го нападнал, при што употребил и остар предмет, соопшти СВР Тетово.

А.К. е задржан во Полициската станица Тетово и по целосно расчистување и документирање на случајот против него ќе следува соодветен поднесок.

ИЗВОР: https://tocka.com.mk/vesti/462685/tepacka-na-hirurskoto-oddelenie-vo-tetovskata-klinicka-bolnica-uapsen-33-godisen-maz