Претседателот на партијата демократски сојуз Павле Трајанов бара оставки од Владата, бидејќи нема преговори со ЕУ и отворање на калстерите.
Тој во соопштение до јавноста вели дека министерот за надворешни работи Бујар Османи, потврдил дека за уставните промени крајниот рок не е ноември.„Бујар Османи потврди дека крајниот рок не е ноември како што цела година ги лажеа граѓаните, медиумите парламентот, САД и другите наши партнери и поддржувачи. Тоа значи дека нема формално започнување на преговорите со ЕУ и отворање на кластерите“, стои во соопштението од Трајанов.
Тој понатаму вели: „Година Ковачевски, Маричиќ и Османи лажеа, манипулираа и вршеа невиден притисок за уставни промени и вградување на Бугарите во Уставот, како предуслов за започнување на преговорите со ЕУ, како единствен предуслов, но Бујар Османи јавно призна дека рокот е до крајот на мандатот на оваа Влада, одонсно до јуни 2024 година“.
Според него сосем е јасно дека блокадата за ЕУ, не ја прават граѓаните и опозицијата,туку Владата.
„Османи ги знае најавите од некои земји членки на ЕУ, дека и по уставните промени нема согласност за почеток на преговорите и отворање на кластерите, поради организираниот криминал и корупцијата, поради некредибилниот и корумпиран судски систем, поради невладеењето на правото и партизацијата, како и поради отсуството на реформи и резултати. После ваквото фијаско, единствено што преостанува е одговорност, оставка на Владата и предвремени парламентарни избори. Господине Ковачевски, ако продолжите и натаму со оваа агонија, да инсистирате уште некој ден да бидете на власт, Вие ја преземате одговорноста за блокадата на евроинтеграциите и хаосот во кој ќе ја вовлечете државата“стои во соопштението од Ковачевски.
