Украсувањето на Скопје до 250.000 евра – моментално е поставено само новогодишна елка!

Градоначалникот на Скопје нагласи дека разубавувањето на градот веќе започна во пресрет на новата година и дека нема да чини повеќе од 250 илјади евра.

„Сакаме да заштедиме средства од буџетот на граѓаните бидејќи и тие сакаат да реализираат многу проекти. Лани тој буџет беше одобрен и имавме многу малку да интервенираме“, рече Арсовска.

Таа додаде дека годинава украсите не ги купила општина Скопје, но ќе има програма и за новата година.

„Овозможивме оваа година да имаме пазар кој ќе биде лоциран во центарот на градот. Ќе има и други содржини, мини парк во центарот на Скопје и верувам дека граѓаните ќе бидат задоволни“, рече Арсовска.