ФАКТОР НА ДЕНОТ: Стојановиќ ќе раководи со Управата за извршување на санкции, истрагата за бегството нема да застане

СТОЈАНОВИЌ Е ВД ДИРЕКТОР НА УПРАВАТА ЗА ИЗВРШУВАЊЕ НА САНКЦИИ

Владата на 120-та седница за ВД директор на Управата за извршување на санкции, го именуваше Јовица Стојановиќ. Toj ќе раководи со институцијата до избор на нов директор.

Стојановиќ е именуван за ВД директор на Управата за извршување на санкциите, откако на вчерашната владина седница е разрешен директорот на Управата, Марјан Спасовски.

„Владата го прифати и предлогот на Министерот за правда, да се распише јавен оглас за именување нов директор на Управата за извршување на санкции, како што е образложено, согласно член 27, став (2) од Законот за извршување на санкции“, соопштија од Владата.