[ФОТО/ВИДЕО] Полицајка пронашла бебе за време на спасувачка мисија по ураганот и го доела

33-годишната полицајка Аризбет Дионисио Амбросио пронашла мајка и четиримесечно бебе за време на спасувачката мисија откако ураган го погодил Мексико.

Аризбет оддалеку го чула плачот на бебето. Тој плач се повторувал, па тргнала во потрага за детето. Пронашла мајка и бебе на само четири месеци, кои два дена не јаделе ништо.

https://vm.tiktok.com/ZMjnG48eh/

Амбросио, која и самата е мајка на две деца, ја соблекла заштитната опрема и почнала да го дои бебето. Бебето веднаш престанало да плаче. „Добро е чувството. Тоа е дете, а ако постои една работа која нè боли како мајки, тоа е гледање на дете во овие околности“, изјавила Амбросио.

Мексиканските спасувачки служби објавиле фотографии и видеа од полицајката со бебето.