Паркиран автомобил на ул. Разловечко востание“ во скопската населба Карпош 4 вечерва е оштетен откако врз него падна поголема гранка од дрво кое веќе е третирано, односно со исечени сите големи гранки освен оваа која се скрши.
Инцидентот се случи вечерва околу 20.30 часот и станарите сведочат дека слушнале силен удар, по што остатоци од скршената гранка освен врз паркираниот џип Тојота рав паднале и врз тротоарот и врз улицата. Од паднатата гранка има и скинати кабли.
Вистинска среќа е што во тој момент немало пешаци пред зградата број 5, зошто од силината на ударот од дрвото можел некој и да настрада.
Повикана е полициска екипа, а се чека и на интервенција од страна на службите на Општина Карпош откако ќе заврши увидот за настаната штета врз возилото кое има видливо оштетување врз покривот.