Претседателот на ВМРО-ДПМНЕ Кристијан Мицкоски му фрли ракавица на премиерот и претседател на СДСМ Димитар Ковачевски за тв-дуел. За повеќето ова беше изненадување, бидејки досегашните лидери на ВМРО-ДПМНЕ секогаш избегнувале дуели со нивните противници од СДСМ. Да потсетиме дека Груевски ни на предизборните кампањи не се соочуваше ниту со Црвенковски, ниту со Заев. Тој не се осмели да излезе на дебата со неговите опоненти. За разлика од него, Мицкоски ја смени тактиката, и веќе неколку пати бара фер соочување со Ковачевски.
Дали ќе има дуел?
Доброупатени избори на monitor.mk брифираат дека Ковачевски е готов да излезе на дуел со Мицковски, меѓутоа во овој момент тоа не би имало никаков ефект. По секоја веројатност дуелот ќе чека наредните избори, кога тоа би имало ефект и би имало смисла.
Не само Ковачевски но и секој друг политичар, би размислил дали во овој момент има потреба за дуел. Таков тв-дуел би бил за дневна политика и ефтини политички поени.
