Српската пејачка Марија Шерифовиќ го доби синот Марио со помош на сурогат-мајка, а целиот процес бил спроведен во Америка, каде што сè уште престојува со своето бебе.
Српската пејачка Марија Шерифовиќ го доби синот Марио со помош на сурогат-мајка, а целиот процес бил спроведен во Америка, каде што сè уште престојува со своето бебе.
Марија Шерифовиќ му ја посвети песната „Долази љубав“ на синот Марио и му се обрати со емотивна порака на Инстаграм.
„Мојот спокој доби лице, а моето срце сега има сигурно пристаниште. Музиката отсекогаш ми била единствениот начин да се објаснам себе, да споделам парче од мојата душа. Му ја напишав песната „Долази љубав“, додека го чекав и сонувам. Затоа, денес ја споделувам со сите вас, за со неа да сонувате за сите оние кои ви носат љубов и спокој. Мојата Љубов дојде – нејзиното име е Марио. Сине мој, ова е првиот подарок за тебе“, напиша Марија на својот инстаграм-профил.
Во интервјуто кое го даде за „Блиц“, Марија Шерифовиќ не сакаше да го открие точниот датум на враќање од Америка, велејќи дека наскоро ќе го донесе синот во Белград.
Откако на профилите на Марија на социјалните мрежи беше најавен нејзиниот голем новогодишен концерт на 31 декември на плоштадот во Зеница, сигурно е дека токму поради деловни обврски кон крајот на месецот ќе мора да се врати дома, па затоа со неа ќе дојде и нејзиниот син Марио, како и нејзината мајка Верица Шерифовиќ, која беше со Марија цело време во Америка.
