135 gjoba në Shkup, 11 vozitës pa patentë shoferi

Ministria për Punë të Brendshme njofton se gjatë ditës së djeshme në territorin e Shkupit janë gjobitur gjithsejtë 135 vozitës, prej të cilëve: 8 për tejkalim të shpejtësisë, 11 për ngasje të makinës pa patentë shoferi, 5 gjoba iu shqiptuan motoçiklistëve, 3 gjoba për ngasje të makinës në gjendje të dehur.

Nga MPB-ja njoftojnë se janë shqiptuar dhe 11 masa për makina të paregjistruara dhe teknikisht të parregullta, 2 gjoba për vozitës fillestar, 10 për përdorim të telefonit dhe 3 gjoba për kalim në të kuqe në semaforë./Alsat.mk