Полициски службеници од полициската станица „Стари Град“ синоќа во 22:40 часот добиле пријава дека на платото пред Филозофскиот факултет во Србија се наоѓа женско лице на возраст од околу 25 години, без знаци на живот.
По пристигнувањето на местото на настанот, од очевидци било посочено дека на петтиот кат од факултетот дошло до активирање и палење пиротехнички средства, по што младата жена, најверојатно студентка, скокнала од прозор.
Според информациите, во просторијата биле пронајдени петарди, факели и спрејови, поставени во близина на радијатор, што најверојатно предизвикало пожар и паника во објектот.
Надлежните институции најавуваат истрага за утврдување на сите околности и одговорноста за трагичниот настан.
Во центарот на Белград, на платото пред Филозофскиот факултет, вечерва е пронајдено безживотно тело на девојка на возраст од околу 25 години, а првичните информации укажуваат на сериозен и вознемирувачки инцидент што му претходел на трагичниот настан.
Началникот на Полициската станица Стари Град, Раденко Ресановиќ, изјави дека полицијата добила пријава околу 22:40 часот, по што службениците веднаш излегле на терен. На лице место затекнале женско лице без знаци на живот.
Според првичните сознанија и изјавите на очевидци, на петтиот кат од Филозофскиот факултет дошло до активирање и запалување на пиротехнички средства. По тој настан, како што се сомнева, девојката – која најверојатно била студентка – скокнала низ прозорецот.
За случајот веднаш било известено надлежното обвинителство, кое наложило да се изврши увид. Во моментот, истражните екипи се на терен и работат на целосно документирање на настанот, собирање докази и изјави од сведоци.
Пиротехничките средства што биле активирани во објектот, по одредено време биле изгаснати од страна на вработените на факултетот, но засега не е познато како тие завршиле внатре.
Од полицијата нагласуваат дека ваквото несоодветно и незаконско користење на пиротехнички средства претставува сериозна опасност за животот и безбедноста на луѓето, и може да доведе до трагични последици, како што покажува и овој случај.
