Британски истражувачи развија тест за крв кој може да открие рани знаци на болеста повеќе од една деценија пред да се појават симптомите со помош на игла.
Тестот користи детални молекуларни профили на крвта за да го предвиди ризикот од болести како што се дијабетес, срцеви заболувања, рак и деменција , пишува „Гардијан“.
Студијата е дел од проектот „Британска биобанка“, во кој се анализирани речиси 250 различни протеини, шеќери, масти и други молекули во крвта на половина милион волонтери.
Со комбинирање на тие податоци со медицински картони и регистри на смртни случаи, научниците можат да добијат попрецизна слика за физиологијата на една личност и да препознаат рани знаци на болест.
Доктор Џој Едвардс-Хикс од Универзитетот во Единбург истакнува дека овие тестови ќе овозможат превенција на болести пред да се појават симптомите.
