Me uljen e temperaturave dhe rritjen e lagështisë gjatë dimrit, tharja e rrobave në ambiente të mbyllura shpesh kthehet në një proces të ngadalshëm dhe joefikas. Mungesa e ajrosjes së mirë dhe kushtet klimatike bëjnë që rrobat të mbajnë lagështi për më gjatë, duke rritur edhe rrezikun e aromave të pakëndshme.
Ekspertja e organizimit të shtëpisë, Nicola Lewis, ka ndarë një këshillë praktike dhe ekonomike që mund të përshpejtojë ndjeshëm tharjen e rrobave, pa pasur nevojë për përdorimin e tharëses elektrike.
Sipas saj, menjëherë pas përfundimit të ciklit normal të larjes, rrobat duhet të futen në një cikël shtesë rrotullimi (spin), pa shtuar ujë. Ky veprim ndihmon në largimin e lagështisë së mbetur në fibra, duke bërë që rrobat të dalin dukshëm më pak të lagura.
“Vendosini rrobat dy herë në ciklin e rrotullimit. Kjo i nxjerr nga lavatriçja me më pak lagështi dhe i ndihmon të thahen shumë më shpejt në ambiente të mbyllura,” shpjegon Lewis.
Kjo metodë e thjeshtë jo vetëm që kursen kohë, por ndihmon edhe në uljen e konsumit të energjisë elektrike gjatë muajve të ftohtë.
