Ријалити ѕвездата и модна икона Кајли Џенер уште еднаш го привлече вниманието на јавноста со своето смело модно издание. Фотографите ја уловија за време на вечерно излегување, каде што таа се појави во впечатлив латекс фустан.
Станува збор за модел што совршено ја следи линијата на телото и ги истакнува нејзините облини, додека отворениот грб му дава елегантна и софистицирана нота на целиот изглед. Кајли остана верна на својот препознатлив стил, комбинирајќи го фустанот со шминка во неутрални, „nude“ тонови од нејзиниот бренд Kylie Cosmetics.
Долгата темна коса ја носеше пуштена, што дополнително го заокружи гламурозниот стајлинг. Со ова појавување, Џенер уште еднаш потврди зошто важи за „кралица на латексот“ и зошто секое нејзино појавување станува тема на разговор.
