Кривичниот суд денеска ги прифати мерките за претпазливост за поранешните двајца директори на Клиниката за онкологија доктор Нино Васев и Нехат Нухи кои ги предложи Обвинителството поради тоа што ги сомничи двајцата за злоупотреба на службената положба и за измама во службата. За скандалот Онкологија Обвинителството денеска информираше детално.
Со одлука на Кривичниот суд на доктор Никола Васев му се забранува да оди на работа односно му се определува оддалечување од работното место, му се забранува да го напушта живеалиштето, му се одзема пасошот и му се наложува да се јавува во судот.
На поранешниот економски директор на Клиниката за онкологија Нехат Нухи му се определуваат истите мерки како на Васев, па и тој не смее да се појавува на Онкологија, да го напушта живеалиштето и му се одзема пасошот.
И двајцата имаат право на жалба во рок од три дена.
