Nga katër skuadrat që do të jenë pjesë e Kupës së Europës, vetëm skuadra e Metalurgut do të luajë në shtëpi.
Tre të tjerët – Gjorçe Petrov, Kumanova dhe Çairi do të luajnë jashtë vendit. Kumanova shkon në Izrael, Gjorçe Petrovi do të udhëtojë në Islandë, ndërsa Çairi do t’i luajë të dyja ndeshjet në Kosovë.
Salla e 7 Marsit në Çair nuk i plotëson kushtet për ndeshjet evropiane, ndaj klubit iu kërkua alternativa të tjera. Për shfrytëzimin e palestrës “Jane Sandanski”, iu është kërkuar pagesë e shtrenjtë, ndërsa “Boris Trajkovski” do të ketë koncert më 15 tetor.
Trajneri i Çairit, Basri Latifi ka treguar arsyet pse kanë vendosur të luajnë në Kosovë.
“Të gjithë le të pyesin veten pse skuadrat do të luajnë vetëm jashtë vendit. Të gjitha palestrat që plotësojnë kriteret e EHF-së për garat evropiane janë të ngarkuara gjatë asaj periudhe. Na dhanë një çmim prej 80.000 denarë me zbritje për sallën e vogël dhe për një garë për femra në “Jane Sandanski”, nëse duam të lëshojmë një nga datat e ngarkuara. “Boris Trajkovski” ka koncert më 15 tetor, kështu që na thanë se nuk mund ta përgatisin për garën evropiane të nesërmen. “Jane Sandanski” i është dhënë KON-it, i cili kërkon 2000 denarë për ndeshje të zakonshme dhe 80000 denarë për garë. Ku është problemi tani, tek të paaftët apo të papërgjegjshmit? Është turp për sportin nëse në ditët e sotme duhet të lutesh për një sallë apo të luash dy ndeshje jashtë, ku je i dënuar të humbasësh paraprakisht”, thotë Latifi.
Çairi shkon në Kosovë, te skuadra e Istogut dhe të dyja ndeshjet do të luhen në Istog më 15 dhe 16 tetor nga ora 18:00.
