Foshnjes i dhënë vetëm një ditë jetë, ai tashmë feston ditëlindjen e parë

Kur Marie Clare Tully lindi djalin e saj Hector, para kohe në vetëm 23 javë, mjekët thanë se ai ndoshta kishte vetëm një ditë për të jetuar.

Mamasë së tij iu tha t’i thoshte lamtumirë, sepse ai kishte një shans shumë të ulët për të mbijetuar. Por Hector sfidoi shanset dhe “fëmija mrekulli” e Marie Claire tani ka festuar ditëlindjen e tij të parë.

Nuk kanë qenë të lehtë për 12 muaj, por mamaja e tij tha se kishte qenë viti më i lumtur i jetës së saj.

Deri më tani ai ka kaluar 259 net të jetës së tij në spital pasi ka lindur me komplikacione të rënda për shkak të prematuritetit.

Ai ka hidrocefalus, që do të thotë se lëngu kurrizor nuk mund të rrjedhë nëpër trup, për shkak të një gjakderdhjeje në tru.