Hong-Kongu do të japë 500.000 bileta ajrore me vlerë 2 miliardë dollarë, ndërsa përpiqet të nxisë industrinë e turizmit të goditur nga Covid.
Qyteti hoqi disa nga rregullat e Coronavirusit javët e fundit.
Sidoqoftë, linjat ajrore të mëdha po luftojnë për të rikthyer oraret e tyre të fluturimeve në nivelet para pandemisë, shkruan BBC.
Të mërkurën, linja ajrore britanike Virgin Atlantic tha se do të ndalojë së operuari në Hong Kong për shkak të çështjeve që lidhen me luftën në Ukrainë.
“Autoriteti i aeroportit do të finalizojë marrëveshjen me kompanitë ajrore. Pasi qeveria të njoftojë se do të heqë të gjitha kufizimet Covid-19 për udhëtarët në hyrje, ne do të hapim fushatat reklamuese për biletat ajrore falas”, thotë Dane Cheng, drejtori ekzekutiv i Bordit të Turizmit të Hong Kongut.
Ai shtoi se biletat falas, të cilat u blenë për të mbështetur linjat ajrore të Hong Kongut gjatë pandemisë, do t’u shpërndahen vitin e ardhshëm udhëtarëve në hyrje dhe në dalje nga autoriteti i aeroportit të qytetit.
