Turbulenca në një fluturim mbi Atlantik solli panik dhe lëndime tek pasagjerët, të cilët papritur u gjendën në ajër duke goditur tavanin e kabinës.
Fluturimi i Aerolíneas Argentinas u ngrit në orën 20:21 më 18 tetor nga Madridi në Buenos Aires, Argjentinë.
Por Airbus A330 me 271 pasagjerë dhe 13 anëtarë të ekuipazhit u godit nga turbulenca të rënda, sipas Daily Mail.
Forte turbulência a bordo de um Airbus A330-200 da Aerolíneas Argentinas fere doze passageiros
No passado dia 18 de outubro, um Airbus A330-200 da Aerolineas Argentinas (com registo LV-FVH) operou o voo AR1133 entre Madrid e Buenos Aires. pic.twitter.com/Md9GbVN6UT— AVIAÇÃO TV (@aviacaotv) October 20, 2022
Turbulenca filloi rreth shtatë orë pas fluturimit 12-orësh në brigjet e Brazilit.
Kompania tha se në momentin e trazirave, tabelat e rripave të sigurimit ishin vendosur dhe një njoftim ishte bërë.
Por disa pasagjerë që kërkonin rripat e sigurimit apo ata që nuk i mbanin në atë moment u gjendën në ajër dhe disa prej tyre u përplasën në tavan për shkak të turbulencave.
Karrocat dhe çantat u hodhën në kabinë ndërsa u hapën ndarjet e bagazheve të dorës.
Të paktën 12 persona u plagosën dhe tre prej tyre u dërguan më pas në spital me lëndime të rënda. Një burrë theu hundën, sipas Bild të Gjermanisë.
Fluturimi më në fund u ul në Buenos Aires, katër orë e gjysmë pasi filloi turbulenca.
Cierren Aerolíneas Argentinas, cueva de ladris y ñoquis, YA! pic.twitter.com/VARAYFpbkX
— Winston (@Winston_Dunhill) October 19, 2022
Duke folur për gazetën El Pais, pasagjeri Adrian Torres tha: “Ne kishim fluturuar për rreth shtatë orë dhe pothuajse të gjithë flinim, sepse në atë kohë ishte pothuajse tre në Spanjë. Avioni filloi të dridhej shumë dhe unë u thashë kolegëve të mi, shtrëngohuni.”
“Ndërsa po kërkoja rripin tim, avioni hasi në turbulenca të forta,” shtoi ai, dhe përfundova me një mavijosje të vogël.
