Psikologia Doruntina Murturi ka folur për arsyet pse disa persona ende e kanë mendjen tek ish-partnerët.
Ajo ka përmendur disa prej faktorëve, duke përfshirë edhe fëmijërinë.
“Në aspektin psikologjik, faktorët janë të ndryshëm, duke u nisur nga mënyra se si është rritur një fëmijë, pastaj bëhet një i rritur i obsesionuar, si edhe prej modeleve jo të shëndetshme që i sheh në lidhjet përreth”, ka thënë Murturi.
Ajo ka pohuar se ka persona që qëndrojnë në një lidhje toksike për shkak se nuk mund të menaxhojnë emocionet e veta dhe lidhshmërinë që kanë krijuar me partnerin apo partneren.
“Kjo varet nga mënyra se si është rritur një person dhe si i përpunon emocionet e veta, sepse nganjëherë shkëputja emocionale, madje edhe nga emocionet negative, krijon lidhje toksike dhe obsesione, nga të cilat personi nuk mund të heqë dorë, edhe kur lidhja ka qenë e dëmshme”, ka thënë Murturi
