KATAR 2022 | FIFA e çon në shtëpi gjyqtarin Mateu Lahoz, pak ditë pasi Messi e kritikoi publikisht

Pasi ka hapur një hetim për kaosin e ndeshjes Argjentinë-Holandë, FIFA merr vendimin ekstrem për arbitrin e atij takimi, Antonio Matheu Lahoz duke vendosur që ai të mos drejtojë më asnjë ndeshje gjatë këtij botërori. Lajmin e bën të ditur agjencia argjentinase e lajmeve “Telam” sipas së cilës, protestat e lojtarëve nga të dyja skuadrat dhe 15 kartonët e verdhë që janë edhe një rekord për Kupën e Botës, e kanë shtyrë FIFA-n të largojë përfundimisht nga turneu “xheketën e zezë” duke mos i dhënë mundësinë për të arbitruar një mes gjysmëfinaleve apo finalen.

Nuk janë vetëm kartonët që e panlizojnë spanjollin por edhe fakti që në fushë nuk tregoi autoritet për të vendosur qetësi.