Breshka, e cila është atraksioni kryesor në muze, gëzon çdo ditë trajtim VIP në shtëpinë e saj. Punonjësit përgjegjës për shëndetin e lajnë çdo ditë, e masazhojnë rregullisht, i nënshtrohet një diete të veçantë dhe monitorohet me kujdes gjendja e saj e përgjithshme.
Breshka me dy koka të quajtur Janus në Muzeun e Historisë Natyrore në Gjenevë të Zvicrës, të shtunën mbushi 25 vjeç dhe me atë rast u larë me furçë dhëmbësh, transmeton britanikja “The Times “.
Happy Birthday, Janus: Janus, the two-headed tortoise was seen getting pampered ahead of his 25th birthday celebrations over the weekend. pic.twitter.com/EnAuroyWdm
— KION News Channel 46 (@KION546) September 3, 2022
Dy kokat me dy tru kanë karakteristika të ndryshme, sipas muzeut, dhe ndonjëherë duan të shkojnë në drejtime të ndryshme. Koka e djathtë është më dominuese dhe e majta është më pasive. Ekipi i kujdesit monitoron Janusin për ta parandaluar atë të rrokulliset.
Breshka u çelë nga një vezë në muze në vitin 1997 dhe u emërua pas Janusit, perëndisë së lashtë romake me dy fytyra.
Zoologët thonë se kafsha nuk do t’i mbijetonte një sulmi grabitqar në natyrë, sepse nuk ka vend të mjaftueshëm që të dy kokat të futen nën armaturë.
Breshka ushqehet me fruta dhe perime organike të copëtuara. Ditëlindja përfshinte selfie me Janusin, takimin me ekipin që kujdeset për të dhe një diskutim shkencor rreth çuditshmërisë së dy kokave të tij.
