По едномесечно рочиште пред судот за труд во Париз, донесена е пресуда во спорот меѓу Килијан Мбапе и неговиот поранешен клуб ПСЖ. Судот одлучи во корист на фудбалерот и му наложи на клубот да исплати 60,9 милиони евра за неисплатени плати и бонуси поврзани со крајот на договорот од летото 2024 година.
Според информациите, сумата се однесува на неисплатени плати за април, мај и јуни 2024, како и на бонуси (вклучително и „етички“ и „потписен“ бонус). Судот одреди и привремено извршување, што значи дека клубот треба да плати веднаш по приемот на одлуката, иако може да поднесе жалба.
Правниот тим на Мбапе ја нарече пресудата победа за почитување на обврските и трудовото право во професионалниот фудбал. ПСЖ, пак, најави дека ќе ја почитува одлуката, но го задржува правото на жалба
